مجمع الأمل للصحة النفسية بالرياض
مجمع الأمل للصحة النفسية بالرياض

الصحة النفسية


 
 


  Site Menu
 

 

الســـؤال


السلام عليكم ورحمة الله وبركاته .. انا استخدمن الحشيش لمدة 6 سنوات والحين لي تقريبا 3 اشهر موقف وتعبت صرت اعاني من خجل واحراج شديد وقت ماتكلم مع مجموعة من الناس في مناسبه او ماشابهه ذلك واتحاشى ان امزح كثير او اشاركهم الكلام لكي لا اتلعثم في كلامي او اقول شي خطا ، وصرت افضل السكوت بين المجموعه او الرد على بعض الاستفسارات حتى وان كنت اعرف اجابتها وواثق ماجاوب ، واتجنب بعض المناسبات لاني اشعر بالارتباك والرعشه والعرق والتلعثم فالكلام واتمنى في بعض المناسبات انه لا احد يسال عن احوالي ولا يكلمني قدام الناس المتواجدين ولا احب ان اكون في موضع الاهتمام ونظر الاخرين واذا صرت رايح مناسبات تهمني كثير فيه حبوب قريت اسمها فالنت وشريتها حسيت انها تهديني شوي استخدمتها كذا مره واخذتها غصب عني (طبعا اذا حصل اجتماع مفاجاء او مناسبه مفاجاءه كذا الاشخاص الي حولي احسهم يعرفون انه فيني شي واندم اني حضرت واكره نفسي واحس بنقص في شخصيتي )وكذالك لما اقابل اشخاص اخجل منهم ولي فتره منهم اتلعثم فالكلام ولا احب اطالع في عيون نفس الشخص الي اسوف معاه واتمنى ان الارض تبلعني ولا قابلته بحالتي هذي، وكذالك اصحابي صرت ابتعد عنهم وعن جلساتهم بدون اي سبب ولا زعل . معا انه كنت اول واحد اروح وانا الي اجمعهم وفجاءه قطعت وصرت احب اجلس مع شخص واحد الا هو صديق قديم لي وبعض الاحيان نكون ثلاث اشخاص ولاكن اكون مو مرتاح فالجلسه، والحين ايامي ذي صرت مستحيل اني اكون اي علاقه تعارف مع اي شخص ولا اقدر اتعرف على احد صار ماعندي اسلوب ولاثقه كافيه في نفسي... ------------------------------------- والشي الثاني مزاجي صار متقلب ومستحيل اكون رايق على طول وحتى الضحكه ما اذكر قريب اني ضحكت بصوت عالي او ابتسمت من قلبي كلها مجامله للشخص الي قدامي وتكون واضحه انها متصنعه ، واحس بالقلق والحزن ، ووقت فراغي كبير جدا وماعندي امل في اي شي كان ، ومتشائم دايما، واحس بالذنب، ونومي قليل فالنادر انام واطول في نومي ، وصرت ماعااااد احس بالفرحه والحماس نهائيا .. معا انه الحمد لله اصلي صلاتي كامله وفالمسجد واقرا قران واصلي الوتر . . . ولاكن الحمد لله على كل حال


الإجــــابة


أخي الكريم تناول اي من المواد المخدرة والمؤثرات العقلية امر خطير وله اثار جانبية كبيرة ومتعددة وقد تظهر هذه الاعراض في اي وقت لذا من الافضل مراجعة طبيب مختص يساعد في تشخيص الاعراض ووضع الخطة العلاجية المناسبة وكلما كان التدخل مبكرا كانت النتائج افضل باذن الله والتاخر في طلب العلاج قد يفاقم الاعراض لا قدر الله


مركز التوجيه والإرشاد الأسري
المستشار/ د. علي القحطاني



 



لمزيد من المعلومات يمكنكم الاتصال على هاتف الإرشاد والتوجيه الأسري للاستشارات رقم: 4902222 -11- 966+
 




 

 
جميع الحقوق محفوظة لمجمع الأمل ل

مكتبة الفيديو

الدخول والزيارات 

حجز موعد بالعيادات الخارجية

 مواقع ذات علاقة

اتصل بنـا

جميع الحقوق محفوظة لمجمع الأمل للصحة النفسية بالرياض - إدارة الصحة الإلكترونية 2003 - 2019