مجمع الأمل للصحة النفسية بالرياض
مجمع الأمل للصحة النفسية بالرياض

الصحة النفسية


 
 


  Site Menu
 

 

الســـؤال


عندي استشارة عن حالة أخوي يبلغ من العمر حالياً ٤٠ سنة قبل ١٥ سنوات كان يتعاطى الكبتاجون والحشيش أخذناه بالقوة ودخلناه المستشفى وتعالج ووقف تعاطي من ١٠ سنوات جته حالة نفسية وكل سنة تزيد مايطلع من البيت نهائيا إلا كل يومين أو ثلاثة يطلع يشتري دخان ويرجع للبيت فيه نشاط كبير يطلع فوق للسطح وينزل تحت ويطلع في الحوش ويلف عالبيت بشكل متكرر إذا ماعنده أحد يكلم نفسه كأنه يخاطب شخص ويشتم ويلعن واذا دخل لدورة المياة يتكلم بصوت عالي (صراخ) ويلعن ويشتم ويقول: أنت وش تبي مني اطلع برا ليش تلحقني طول الوقت يتكلم مع نفسه أو مع اللي عنده بكلام متشتت (مثلا يتكلم عن أحد في المطعم بصق عالأكل وبعدها يتكلم عن صداع عنده بعدها يتكلم عن أحد الجيران يعتقد أنه حرامي بعدها يتكلم عن شخص يلحقه إذا طلع ..الخ) وفي قناعته فيه شخص يأذيه ويشتمه ويهينه بشكل دائم إذا طلع من البيت أو وقف عند باب الشارع ويعتقد ان نفس الشخص جا عنده لما كان مسافر مع أصحابه وخلاه يشرب حاجة منومه وسرقه وضربه ووسخ غرفة الفندق حاليا إذا طلعوا البنات أو الوالدة برا البيت يتضايق وإذا رجعوا يقول فيه ناس ضربوكم وأهانوكم في البيت يبدأ تفتيش الغرف ويطلع السطح يقول يمكن فيه حرامي داخل وفي اعتقاده ان فيه حرامي دخل عنده وهو نائم وضربه حتى اغمى عليه عنده هوس في صلاحية الأطعمة يرمي أشياء كثيرة يقول خربانه أو متسممه حاولنا بالإقناع نوديه للمستشفى ورافض الفكرة يعتقد أنه لما كان في المستشفى يتعالج من الادمان دخلو عليه ناس من القرايب وضربوه ويعتقد ان الممرضين في المستشفى يضربونه ويصورونه ويبتزونه وقف تناول الأدوية اللي صرفت له بعد علاج الإدمان قبل ٧ أو ٨ سنوات لأنه يعتقد انها تشتت تركيزه وإذا جا أحد وشتمه أو ضربه مايدري عنده شك في كل القرايب ويعتقد انهم سبق وأهانوه أو أهانو الوالدة مسبب لنا تعب بشكل كبير جدا أبي آخذ رأيكم في المرض اللي فيه وش اسمه؟ وهل نوديه للمستشفى بالقوة أو أيش رأيكم؟


الإجــــابة


أخي الكريم : يجب عليكم ضرورة إحضارة إلى المستشفى قسم الطوارئ , للكشف على الحالة وإعطاءه الدواء المناسب له .


مركز التوجيه والإرشاد الأسري
المستشار/ طارق العقيل



 



لمزيد من المعلومات يمكنكم الاتصال على هاتف الإرشاد والتوجيه الأسري للاستشارات رقم: 4902222 -11- 966+
 




 

 
جميع الحقوق محفوظة لمجمع الأمل ل

مكتبة الفيديو

الدخول والزيارات 

حجز موعد بالعيادات الخارجية

 مواقع ذات علاقة

اتصل بنـا

جميع الحقوق محفوظة لمجمع الأمل للصحة النفسية بالرياض - إدارة الصحة الإلكترونية 2003 - 2019